Kline – Rrustem M. ka humbur jetën dhe dy persona të tjerë janë lënduar në një aksident që ka ndodhur sot në mesditë në magjistralen Pejë-Prishtinë, përkatësisht përballë seperacionit “Mirusha”në fshatin Dollc të Klinës.
Sipas policisë së Kosovës, në aksidentin fatal pjesëmarrëse ishin tri makina.
“Sipas hetimeve në vendngjarje, mësohet se deri te aksidenti kishte ardhur, për deri sa vozitësi i makinës ‘Opel’ (i dyshimti) V. P. ishte duke qarkulluar nga drejtimi i Prishtinës në drejtim të Pejës, dhe me të arritur në fshatin Dollc, duke i ikur një veture që kishte përpara për të mos e goditë prapa, ikë në krahun e majtë dhe në atë moment vije deri te ndeshja direkte me makinën ‘VW Golf’ e cila ishte në drejtim të Prishtinës.
Pas goditjes makina e tipit ‘Opel’ sillet në të djathtë dhe me pjesën e parë të djathtë e godet veturen “Audi” në pjesen e parë të anës së majtë, me ç’rast në tri makinat shkaktohen dëme të konsiderueshme materiale”, thuhet në njoftimin e policisë.
Dy nga drejtuesit e makinave e lënduar janë dërguar në Spitalin Rajonal në Pejë, derisa drejtuesi i makinës ‘VW Golf’, Rrustem M,. për shkak të lëndimeve serioze u dërgu në QKUK, ku edhe më vonë ka ndërruar jetë.
Rasti do të procedohet në Prokurorinë e shtetit nga hetuesit e Njësitit të komunikacionit Rajonal të DRP – Pejë./kp/ RadioRINIA/
