Një aksident i tmerrshëm me makinë e la Stewart Fryett 10 ditë në koma. Përveç dëmtimeve në tru dhe brinjëve të thyera, ai humbi dhe kujtesën.
Kur u zgjua nga koma pas 10 ditësh, ai i tha të dashurës së tij këto fjalë: “Nuk e di kush je, nuk ta mbaj mend emrin, por di që të dua.” Tani ata janë të martuar dhe jetojnë në Kaliforninë Veriore. Kanë kaluar së bashku pesë vite të dhimbshme të përmirësimit të shëndetit dhe beteja të pafundme ligjore. Por janë të lumtur që dashuria e tyre triumfoi mbi gjithçka.
