Përfundimisht, qytetarët e Kosovës do të votojnë gjatë muajit qershor për zgjedhjet e nacionale.
Zyrtarë të PDK’së kanë konfirmuar se më së largu të enjten e ardhshme do të shpërndahet Kuvendi i Kosovës ndërsa zgjedhjet do të mbahen më 8 qershor.
“Kuvendi shpërndahet javën e ardhshme”, ka thënë një zyrtar i PDK’së.
Ai ka thënë se përfundimisht për datën e zgjedhjeve do të takohen edhe një herë liderët politikë për të dërguar pastaj propozimin te Presidentja Jahjaga.
Ndryshe, sot, liderët e partive politike janë takuar në Ambasadën amerikane në Prishtinë, ku kanë folur për vendimin rreth themelimit të Forcave të Armatosura të Kosovës. Në të njëjtën kohë, deputetët e pakicave kanë nisur takime për t’i bindur partitë e mëdha shqiptare për t’ua mundësuar vazhdimin edhe për një mandat të vendeve të rezervuara në Kuvend.
