Juventusi do të duhet të eliminojë Benfican nëse dëshiron të arrijë në finalen e Europa League që zhvillohet në muajin maj në Juventus Stadium.
Shorti i hedhur sot në zyrat e UEFA-së në Nnyon të vicrës, ia caktoi Bianconerëve mbase rivalin më të vështirë në short, ish-finalistin e vitit të kaluar, Benfica.
Portugezët në çerekfinale eliminuan holandezët e AZ Alkmar, derisa italianët eliminuan francezët e Lyon.
Ndeshja e parë e sfidës do të zhvillohet në Estadio da Luz në Portugali më 24 prill, ndërsa ajo e kthimit dhe vendimtare në Juventus Stadium, më 1 maj.
Sfida tjetër është një gjysmëfinale spanjolle, mes Sevilla, që befasisht eliminoi Porton, dhe Valencias, që në çerekfinale eliminoi Bazelin.
