FSK ka filluar pastrimin e Liqenit të Badovcit pas reshjeve të fundit. Me gjithë rritjen e nivelit prej pesë metrash, reduktimet mbeten ende në fuqi.
Me barka dhe mjete të tjera përkatëse pjesëtarët e FSK’së do të qëndrojnë në Liqenin e Badovcit deri në pastrimin e tij.
Zëdhënësja e Ujësjellësit Arjeta Mjeku, thotë se mbeturinat nuk e rrezikojnë cilësinë e ujit të pijshëm, por se duhet të hiqen sa më parë nga liqeni.
“Ka qenë një dilemën te qytetarët të pihet apo të mos pihet uji i Liqenit të Badovcit dhe a mund të ndryshoj kualiteti i ujit të pijshëm nga mbeturinat që ndodhen në këtë liqe. Realisht është një sipërfaqe shumë e madhe që ndikojnë në shumë pak mbeturina në këtë liqe por edhe që ta heqim dilemën tek qytetarët dhe që normalisht liqeni duket më bukur”, tha Mjeku.
