WWW.RADIOLLAPI.COM - RADIO LLAPI

LAJMET FLASH

Mirësevini në RADIO LLAPI 04.09.2010.Sejdiu optimist niset për në New York Presidenti i Republikës së Kosovës, Fatmir Sejdiu është nisur tejet optimist për në New York, duke besuar në fitoren e radhës të Kosovës në raport me Serbinë. Presidenti para nisjes për në New York përsëriti qëndrimin se janë të kota përpjekjet e Serbisë për negociata të reja për statusin apo edhe për çështje të brendshme të Kosovës.Ai tha më tej se Pakoja e Ahtisaarit mbetet bazë për institucionet e Kosovës dhe asgjë nga kjo nuk do të ndryshojë.Ndërkohë, ministri i Punëve të Jashtëm, Skënder Hyseni tha se veprimi më i mirë i Serbisë është që ajo ta tërheq rezolutën para se ajo të debatohet në Asamblenë e Përgjithshme.Sipas Hysenit janë bërë të gjitha përgatitjet që kjo Rezolutë të dështojë.Ndryshe, presidenti Sejdiu dhe ministri Hyseni theksuan se ka sinjale të mira për njohje të reja për shtetin e Kosovës. Thaçi udhëton për në Katar Në prag të diskutimeve në Asamblenë e Përgjithshme të OKB-së, kryeministri i vendit Hashim Thaçi në kuadër të aktiviteteve lobuese për njohjen e shtetit të Kosovës do të vizitojë Katarin, me ç’rast do të takohet me zyrtarë të lartë të këtij vendi. Në njoftimin e Kryeministrisë bëhet e ditur se me ftesë zyrtare të mbretit të Katarit, Sheik Abdullah bin Khalifa Al Thani, kryeministri i Republikës së Kosovës, Hashim Thaçi, ka udhëtuar për në Katar.Me këtë rast, kryeministri Thaçi do të zhvillojë takime me mbretin e Katarit dhe me autoritetet tjera të larta shtetërore të këtij vendi.Nga Katari, Thaçi do të udhëtojë për në New York, ku bashkë me presidentin Sejdiu do të udhëheqin delegacionin shtetëror të Kosovës në kuadër të angazhimeve diplomatike për njohje të reja të pavarësisë së Kosovës, në prag të Asamblesë së Përgjithshme të OKB-së.Betejë për çdo votë në OKB Si për Kosovën, ashtu edhe për Serbinë çdo votë në Asamblenë e Përgjithshme të Kombeve të Bashkuara nënkupton fitore ose humbje. E përditshmja Zëri shkruan se sa afrohet sesioni i radhës i Asamblesë së Përgjithshme të OKB-së aq më tepër i ngjanë një fushate zgjedhore ku qëllimi kryesor është sigurimi i votave.Si për Kosovën, ashtu edhe për Serbinë çdo votë në Asamblenë e Përgjithshme nënkupton fitore ose humbje.Përderisa Prishtina po sillet mjaftë komod, duke besuar se vendet fqinje dhe ato që e kanë njohur Kosovën nuk do t’i japin votën rezolutës problematike serbe, Beogradi nuk i ka kursyer këto vende që t’u kërkojë votën në mbështetje të kësaj Rezolute.Nga ish-Republikat Jugosllave ishte Kroacia ajo e cila e para i tha Serbisë se nuk mund të llogariste në votën e Zagrebit. Të njëjtën përgjigje Beogradi mund ta presë edhe nga Sllovenia, kurse Maqedonia e Mali i Zi me gjasë do të mbajnë konsultime para se t’i japin përgjigjen Beogradit.Në anën tjetër, autoritetet në Prishtinë besojnë se Kosova do ta fitojë edhe betejën tjetër politike me Serbinë.Pas njohjes nga Hondurasi do të vijojë një zinxhir njohjesh Zëvendëskryeministri dhe ministri i Jashtëm i Shqipërisë, Ilir Meta, ka uruar qytetarët e Kosovës për njohjen e pavarësisë nga Hondurasi, duke thënë se kjo njohje “është jo vetëm e 70-ta, por është edhe e para pas Opinionit Këshillimor te Gjykatës Ndërkombëtare të Drejtësisë dhe që jam i sigurt që çel siparin edhe për shume njohje të tjera, që do vijojnë pikërisht pas studimit qe vendet e interesuara, i kanë bërë këtij Opinioni tepër pozitiv për pavarësinë e Kosovës”. Gjatë një interviste për Top-Channel ai ka thënë se përgjatë takimeve që ka zhvilluar në Honduras, në Salvador, në Guatemalë, në Parlamentin e Amerikës Qendrore, ka marrë sigurinë “e një përkrahjeje për pavarësinë e Kosovës, për një mbështetje shumë konstruktive të gjithë këtyre vendeve, të cilat e pranojnë që tashmë ky është një realitet i ri, një çështje në radhë të parë e vetë Bashkimit Evropian”.Tadic: I mundshëm kompromisi për rezolutën Presidenti serb Boris Tadic ka thënë se beson që është e mundshme të gjendet kompromisi rreth tekstit të projekt-rezolutës për Kosovën, i cili do të kënaqte Serbinë dhe Bashkimin Evropian dhe njëherit, sipas tij, do të mundësojë fillimin e dialogut për zgjidhjen e problemit të Kosovës. Sipas RTV21, pas takimit me kryeministrin slloven Borut Pahor të premten mbrëma në Nova Goricë, Tadic ka thënë se Serbia respekton të drejtat legjitime të shqiptarëve të Kosovës, por nuk ka kurrfarë qëllimi dhe as interes që të shtyhet zgjidhja e problemit të Kosovës dhe se Serbia nuk ka kurrfarë interesi as që të bëhet faktor jo konstruktiv.Ndërsa Pahor ia ka tërhequr vërejtjen Tadicit se është në interesin e Serbisë dhe të BE-së që teksti i projekt-rezolutës serbe të jetë i pranueshëm edhe për Serbinë, edhe për BE-në. 03.09.2010.Hondurasi njeh pavarësinë e Kosovës Republika e Hondurasit ka njohur sot zyrtarisht Kosovën shtet të pavarur dhe sovran, njofton Ministria e Punëve të Jashtme të Kosovës. Vendimi për njohjen e Kosovës i është kumtuar sot Ministrit të Punëve të Jashtme të Republikës së Kosovës, Skender Hyseni nga Ministri i Jashtëm i Republikës së Hondurasit, Mario Canahuati. Ministri Hyseni dhe Ministri Canahuati gjatë një bisede të gjatë dhe të përzemërt telefonike u pajtuan gjithashtu që menjëherë të fillojnë procedurat për vendosjen e marrëdhënieve diplomatike midis dy vendeve. Duke e falënderuar në emër të popullit dhe të institucioneve të Republikës së Kosovës, Ministri Hyseni theksoi përkushtimin e Republikës së Kosovës për të ndërtuar bashkëpunim dhe marrëdhënie të ngushta me këtë vend.Ndërkaq, Ministri Canahuati theksoi se Hondurasi është i vendosur që ta përkrahë Republikën e Kosovës në të gjitha rrafshet dhe institucionet ndërkombëtare si një vend mik me të cilin ka vendosur të ndërtojë marrëdhënie të forta dhe të qëndrueshme miqësore dhe diplomatike. Thaçi po qëndron për vizitë zyrtare në ShqipëriKryeministri i Kosoves, Hashim Thaci ka mberritur në Tiranë, ku sot do të zhvillojë një takim zyrtar me homologun e tij shqiptar, Sali Beisha.Të dy kryeministrat do të japin edhe një konferencë të përbashkët për shtyp.Kjo vizitë e kryemnistrit Thaçi vjen vetëm pak ditë para fillimit të Sesionit të përvitshem të Asamblese së Pergjithsheme të OKB-së, ku autoritete më të larta të Prishtines dhe Tiranës do të lobojne së bashku gjatë punimeve të Asamblesë, në mënyre që deri në fund të vitit të rritet ndjeshem numri i vendeve që do të njohin pavaresinë e Kosoves.Mbrëmë nderkaq, në mjediset e hotel “Rognerit”, kreyministri Thaçi mori pjesë bashkë me kryeministrin Sali Berisha në ceremonine e promovimit të librit “Jeta ime” të gazetarit, Blendi Fevziu. Në këtë promovim ishte edhe presidenti Bamir Topi dhe personalitete të tjera poltike e mediatike nga Shqiperia dhe Kosova.Athina do zgjidhje për Kosovën sipas konsensusit BE-Serbi Greqia dëshiron zgjidhje për Kosovën, e cila do të jetë rezultat i konsensusit në mesin e 27 vendeve anëtare të BE-së dhe Serbisë, dhe se do të mbajë një qëndrim të tillë në Asamblenë e Përgjithshme të Kombeve të Bashkuara. Në një prononcim për mediet, zëdhënësi i Ministrisë së Jashtme të Greqisë, Grigoris Delavekuras, ka theksuar se Qeveria greke udhëheq politikë konstante dhe se përmes Agjendës 2014 ka arritur të ngjallë debatin për të ardhmen evropiane të Ballkanit Perëndimor në kuadër të Bashkimit Evropian.Projekt-rezoluta serbe për Kosovën në Asamblenë e Përgjithshme të OKB-së, me anë të së cilës kërkohet zhvlerësimi i mendimit këshillëdhënës të GJND-së se pavarësia e Kosovës nuk është në kundërshtim me të drejtën ndërkombëtare, pritet të shqyrtohet më 9 shtator.Greqia është njëra nga pesë vendet e BE-së që ende nuk e ka njohur Kosovën. Prishtina zyrtare ka shprehur bindjen se projekt-rezoluta serbe nuk do të miratohet dhe sikurse në Hagë, edhe në New York, Kosova do të shënojë fitore.Libri i Toni Blerit i kushton rreth 30 faqe KosovësLibri i ish kryeministrit të Britanisë së Madhe, Toni Bler, që tashmë ndodhet në duart e lexuesve, i kushton rreth 30 faqe Kosovës. Në kapitullin e quajtur Kosova, Bler shkruan se si në Britani njerëzit janë të bindur se një nga episodet e tij të suksesshme të qeverisjes, ishte roli në bombardimin e Serbisë nga forcat e NATO-s në vitin 1999 për shkak të spastrimit etnik të Kosovës.Ai sqaron se insistimi i tij për një zgjidhje të tillë kishte vënë në presion edhe marrëdhëniet e shkëlqyera personale me presidentin e atëhershëm amerikan Bill Klinton. Amerikanët, ndryshe nga kryeministri britanik, nuk ishin aq të interesuar për zgjidhje ushtarake.Bler shkruan se për të Kosova ishte çështje morale dhe se ndërhyrja ushtarake e forcave të NATO-s në atë periudhe ishte e nevojshme.Duke komentuar reagimet pas botimit të librit të Blerit në Britani të Madhe në një shkrim kryeministri i Kosovës, Hashim Thaçi, thotë se për Kosovarët Toni Bleri është hero i vërtetë. Details...

LIVE RADIO LLAPI

URIMET DHE PËRSHËNDETJET

Radio Llapi e ka mundësuar pagesen e urimeve dhe përshendetjeve përmes Internetit KREDIT KARTAVE

juve ju mbetet vetëm të shkruani urimin dhe ta mbushni aplikacionin dhe përshendetja e juaj do të realizohet në valet tona.

Kliko në PayPal

Summe

URIMET

KATEGORITË

Vizitorët

Marketing

LAJMET FLASH

LIVE RADIO LLAPI

URIMET DHE PËRSHËNDETJET