Home LAJME Mediat në SHBA: Gjykata e Posaçme e ngjashme me Tribunalin e Hagës

Mediat në SHBA: Gjykata e Posaçme e ngjashme me Tribunalin e Hagës

Mediat amerikane të informimit dhe organizata joqeveritare kanë njoftuar për miratimin nga ana e Kuvendit të Kosovës të Gjykatës se Posaçme për gjykimin e krimeve të Luftës.

“Gjykata do të jetë me bazë në Kosovë, mirëpo shumica e punës do të bëhet në Holandë”, shkruan portali ligjor ‘Jurist’. Duke folur më tej rreth punës së gjykatës thuhet se ajo do të jetë e ‘ngjashme me operacionet e Gjykatës Ndërkombëtare për Krimet e Luftës ish Jugosllavinë në Hagë’.

“Gjykata do të drejtohet nga gjyqtarë dhe prokurorë ndërkombëtarë, për shkak se besohet që kryengritësit gjatë konfliktit në Kosovë mund të kenë vrarë rreth 400 civilë”, thuhet më tej në njoftimin e Jurist me seli në Pittsburg, transmeton RTK.

“Shpresohet gjithandej se gjykata e re e cila do të gjykojë kryesisht kosovarët përgjegjës për krimet të luftës, do të ndikojë edhe më shumë në pajtimin e të dy vendeve”, theksonte kanali amerikan, ABC.

Për të bërë gjykatën operacionale me një dhomë të veçantë jashtë vendit, Kuvendi duhet të miratojë statutin e gjykatës dhe disa ndryshime të tjera ligjore dhe kushtetuese. Këto ndryshime urgjente pritet t’i bëj Kuvendi i ri i që do të formohet pas zgjedhjeve që gjithashtu pritet mbahen në maj”, thuhej në një kumtesën e Human Rights Watch.

“Ne shpresojmë që Kuvendi i ardhshëm do të bëjë këto ndryshime dhe të tregojë se Kosova udhëhiqet nga parimet e drejtësisë dhe të sundimit të ligjit,” theksonte organizata për të drejtat e njeriut.

Previous articleHoxhaj: Nuk dinim gjë për Gjykatën Speciale
Next articleLunaçek: Akuzat e Martyt, të sqarohen një herë e përgjithmonë