Ministria e Punëve të Brendshme dhe Këshilli Gjyqësor i Kosovës nënshkruan marrëveshje bashkëpunimi, që ndihmon në identifikimin më të lehtë të personave të ndryshëm, të cilët janë palë në procedurat e ndryshme gjyqësore, duke i ofruar të dhënat e caktuara personale nga Regjistri Civil i Ministrisë së Brendshme të Kosovës.
Marrëveshja u nënshkrua nga ministri i Punëve të Brendshme, Bajram Rexhepi dhe kryesuesi i Këshillit Gjyqësor të Kosovës, Enver Peci.
Në kudër të kësaj marrëveshje është ofrimi i të dhënave nga Regjistri Civil i Ministrisë së Punëve të Brendshme, konkretisht i numrit personal identifikues të qytetarit të regjistruar në regjistrin Civil të Kosovës, si dhe vendbanimin dhe adresën e tij të saktë.
