Pas kundërshtimeve të disa prej lojtarëve të kombëtares belge në lidhje me angazhimin e talentit shqiptar, vije një përkrahje për Januzajn.
Sulmuesi i ekipit anglez të Aston Villas, Christian Benteke ka thënë se nuk do të surprizohej nëse Adnan Januzaj do të luante në Botëror.
Ai ka thënë se talenti shqiptar i Manchester Unitedit meriton të luajë sepse këtë vit ka treguar vlera të jashtëzakonshme. Sulmuesi belg deklaroi se nuk do të ishte i befasuar nëse Adnani do të shkonte me Belgjikën në Botërorin e Brazilit, duke qenë një super-lojtar.
“Ai është një super-lojtar. Por, është e vështirë të them nëse ai do të grumbullohet ose jo”, u shpreh Benteke për ‘RTBF’.
“Gjithsesi, nuk do të isha i befasuar nëse dëgjoj se ai do të jetë në Brazil”, ka shtuar tutje sulmuesi i lënduar i Aston Villës.
Ky i fundit ka qenë në top-formë këtë stinor në Premier League, mirëpo lëndimi të cilin e pëso kohë më parë ka bërë që ai ta humb Botërorin e Brazilit që fillon muajin tjetër.
