Home LAJME Punonjësit e administratës së UP-së do të vazhdojnë grevën

Punonjësit e administratës së UP-së do të vazhdojnë grevën

Këshilli grevistë ka bërë të ditur nëpërmjet një njoftimi për media se greva e puntorëve të administratës së të gjitha njësive akademike të UP-së, vazhdon edhe sot dhe do të vazhdojë deri sa të kenë një përgjigjie zyrtare nga Organet e Universitetit. Dhe varësisht nga përmbajtja e kësaj pergjigjie do të merren edhe vendime të tjera në lidhje me format e reagimit të grevës.

Mirëpo këshilli grevistë në parim nuk pranon asnjë zgjidhje të përkohshme dhe qëndron prapa kërkesave të tyre të dërguar në mënyrë të shkruar të gjitha Institucioneve relevante (vendimarrëse) të UP-së. “Njëherit jemi të indinjuar nga neglizhenca e Organeve të UP-së në kthimin e përgjigjes në adresën tonë”, thuhet në një njoftim të Këshillit grevistë.

Ata bëjnë të ditur se me datë 24.03.2014 ora 09:00h të gjithë punëtorët administrativë të njësive akademike të UP-së do të mblidhen në Sallën e Kuqe të Fakultetit të Filologjisë për të vazhduar grevën.

 

Previous articleKosova me më pak të prekur nga TBC-ja
Next articleRusia ratifikoi traktatin