Sipas të dhënave të fundit, telefoni inteligjent Samsung Galaxy S5, që u prezantua në Kongresin Botëror të Telefonave, do të kushtojë më shumë se telefoni Samsung Galaxy S4. Ky telefon inteligjent do të kushtojë në tregun amerikan 499.99 euro (838 dollarë) ose 599.99 euro (1005 dollarë) pas tatimit. Ndërsa kompania Amazon në Spanjë të njëjtin model telefoni e shet 730 euro.
Çmimi në fakt është pak i lartë në krahasim me telefonin inteligjent Samsung Galaxy S4, i cili kushtonte 650 deri në 700 dollarë në të gjithë botën. Telefoni i fundit i prodhuar nga kompania Samsung, i cili do të përdorë sistemin operativ Android, do të dalë më 1 prill në 150 shtete.
Ky telefon do të vijë në treg me disa ndryshime, kryesisht në dizajn. Samsung Galaxy S5 është edhe rezistent ndaj ujit dhe pluhurit, si dhe do të ketë sensorin e gjurmëve të gishtërinjve, për të cilin është folur shumë.
Një karakteristikë e re e këtij telefoni është se do të monitorojë rrahjet e zemrës.
