Këshilltarët serbë të Shtërpcës kanë votuar të mërkurën disa konkluzione, nëpërmjet të cilave kushtëzojnë privatizimin e ndërmarrjeve shoqërore në këtë komunë me zhvillimin e bisedimeve në Bruksel midis Kosovës e Serbisë, por edhe me stabilitetin politik në Shtërpcë,
Nëpërmjet një dokumenti që ka 6 pika si konkluzione, shumica serbe në KK, ka kërkuar që procesi i privatizimit në këtë Komunë të shtyhet për një afat të pacaktuar.
Kjo kërkesë fillimisht është iniciuar nga këshilltarët e listës “Srpska” e që më vonë është futur edhe si pikë e veçantë e rendit të ditës, e në votim është përkrahur edhe nga këshilltarët e SLS-së në pushtet.
