Tashmë kur kanë mbetur rreth një javë deri në ardhjen në jetë të djalit të Tuna Sejdit dhe Patris Berishës, këngëtarja e njohur ka bërë edhe një paraqitje të re. Krahas imazheve të setit fotografik të cilin e ka realizuar në fillim të muajit, një foto nga Rezarta Galica e postuar sot ka vënë në pah ndryshimet tek Tuna në javët e fundit të shtatzënisë.
Shtimi në peshë si nur i shtatzënisë e ka zbukuruar edhe më shumë këngëtaren që reflekton përplot pozitivitet dhe ëmbëlsi në këtë fotografi. Ndryshe, data e saktë e lindjes së Tunës nuk dihet por kjo besohet që do ndodhë deri në fund të këtij muaji.
