Si na e shkurton jetën kompjuteri dhe pajisjet elektronike?

Puna e gjatë para kompjuterit dhe pajisjeve tjera elektronike, ekranet e të cilave emetojnë dritë të kaltër, mund të shkaktojë dëmtime afatgjata të shikimit dhe pagjumësi, tregojnë studimet.

Rezultatet e disa studimeve britanike kanë nxjerrë në pah se 6 nga 10 persona të moshuar nuk flenë mjaftueshëm si rezultat i punës me paisje elektronike. Gjumi i pamjaftueshëm, nën shtatë orë në 24orë, te të moshuarit, shton rrezikun për obezitet, atak kardiak, diabet dhe kancer.

“Drita e kaltër e atyre pajisjeve nxit prodhimin e melatoninës, një hormon i cili ndikon në gjumë, ndaj është e rëndësishme t’i shmangni ato para fjetjes”, thotë Richard Wiseman, nga Unvierstieti Hertfordshire.

Po ashtu, rrezet blu-violetë janë shumë të rrezikshme dhe toksike për syrin dhe dëmtimi është edhe më i madh nëse ju shikoni pa mbyllur sytë shpesh dhe pa u shkëputur kohë pas kohe nga ekrani.

Ekspertët thonë se drita blu-violet prish strukturën e gjumit dhe ndikon në gjendjen shpirtërore. Gjysma e të rriturve të cilët kalojnë rreth shtatë orë në ditë duke shikuar në ekrane, fillojnë të ndjehen të shqetësuar kur janë larg pajisjeve elektronike, për shembull nga smartphone-t.

Kërkuesit thonë se këto efekte janë jashtëzakonisht shqetësuese. Ndërsa ekspertët japin një këshillë shumë të thjeshtë: bëni rregullisht pushime sa herë që punoni me kompjuterin ose pajisjet tjera elektronike.