Deputeti i pavarur serb në Kuvendin e Kosovës, Milivoje Stojanovic, ka porositur kryeministrin Thaçi se nuk ka nevojë të formojë Forcat e Armatosura të Kosovës, sepse, sipas tij, ky do të ishte një investim i shtrenjtë.
Ai ka thënë se Kosova nuk kërcënohet nga askush në rajon dhe se për sigurinë e saj kujdesen KFOR-i dhe EULEX-i.
“Forcat e armatosura janë investim i shtrenjtë. Andaj, është më mirë që qeveria, paratë e destinuara për FAK-un, t’i përdorë për zgjidhjen e problemeve socio-ekonomike dhe të tjera”, ka thënë Stojanovic, transmeton B92.
Autoritetet e Kosovës kanë përsëritur edhe këtë javë se formimi i FAK-ut nuk ka alternativë.
