Robin Van Persie ka shënuar tri gola në ndeshjen kthyese vendimtare ndaj Olympiacosit, për të kualifikuar Manchester Unitedin në mënyrë të pabesueshmë ne çerekfinale të Ligës së Kampionëve.
Manchester United e filloi sfidën pa Januzajn në formacion, teksa Giggs zuri vendin e tij në një formacion shumë sulmues të United.
Dominimi u vërejt nga fillimi, teksa frytet u panë teksa po hynim në fund të pjesës së parë.
Pas një shtyrje në zonë nga Holebas, ishte Van Persie ai që u rrëzua dhe që fitoi një penalti. Ishte vet holandezi ai që konkretizoi për 1-0 (25’).
Në fund të pjesë së parë ishte Rooney ai që perceptoi bukur holandezin, të cilit ia lëshoi një pasim të ulët në zonë. Van Persie me gjakftohtësi arriti të shënonte për 2-0.
Në pjesën e dytë United hyri me qëllimin për të realizuar edhe golin e kualifikimit. Pas një gjuajtje të lirë dhe një skeme fantastike, Van Persie e la të shtangur portierin e Olympiacos për 3-0 dhe një gol shumë të bukur (51’).
Deri në fund Olympiacos u shfaq rrezikshëm, por nuk arritën që të realizonin golin e kthesës, teksa United u tregua ashtu siç e njohim – i fortë.
United kështu kualifikohet me rezultat të përgjithshëm prej 3-2 në çerekfinale, e ku në shortin e të premtës mund të përballet me një prej gjigantëve të mëdhenj evropian, në atë që është vazhdim i një ëndrre që në fillim u duk e pamundur të realizohej.
