Për t’i ikur politizimit të procesit të verifikimit të kategorive të dala nga lufta, OVLUÇK-ja ka vlerësuar se duhet të ndërpritet ky proces, derisa të përfundojnë zgjedhjet parlamentare.
Kryetari i OVLUÇK-së, Muharrem Xhemajli, ka deklaruar për “Epokën e re” se kanë vërejtur tendenca të politizimit të këtij procesi për shkak të zgjedhjeve. Ai ka thënë se sot (e hënë) do të kërkojë nga komisioni për verifikimin e këtyre kategorive ta ndërpresë këtë proces, deri pas zgjedhjeve.
Kjo, pasi që, sipas tij, ka tendenca për politizim nga pothuajse të gjitha partitë politike.
