Sot kam zhvilluar një takim me investitorin nga diaspora, Bekim Mazreku, nga kompania “Hapu”, për realizimin e një projekti në Podujevë, i cili pritet të hapë 200 vende të reja pune.

Z. Mazreku dhe kompania e tij janë investitorë seriozë në prodhimin e dyerve inovative kundër zjarrit dhe për evakuim emergjent, një teknologji e patentuar për tregun evropian, Shtetet e Bashkuara të Amerikës dhe Kinën.

Bekim Mazreku, shpikësi i kësaj teknologjie, e ka prezantuar produktin në panairin ndërkombëtar FeuerTrutz në Nürnberg, ndërsa tani synon që prodhimi i saj të zhvillohet në Kosovë, duke krijuar një produkt me vulën “Made in Kosova”.

Si Komunë e Podujevës dhe si kryetar i saj, jemi të gatshëm të bashkëpunojmë me investitorë vendorë dhe të huaj për krijimin e bizneseve të reja dhe hapjen e vendeve të reja të punës.