Drejtorët e rinj të Ekzekutivit të Prizrenit nuk kanë dalë ende në punë. Kryetari i Komunës, Ramadan Muja, ndërkaq ende është duke punuar me drejtorët e mandatit të vjetër.
Zëdhënësi i Komunës, Ymer Berisha tha se drejtorët e rinj nuk kanë mundër të fillojnë punën për shkak angazhimeve që kryetari Muja ka pasur në ditët e fundit. “Kryetari Muja ka qenë shumë i angazhuar,por edhe në vizitë zyrtare në Çeki, prandaj edhe nuk kanë filluar punën drejtorët e rinj”, tha Berisha për prizrenpress.
Kryetari i Prizrenit, Ramadan Muja në mbledhjen e fundit të Kuvendit Komunal, pjesërisht ka shpallur përbërjen e re të Ekzekutivit. Edhe pse kanë kaluar më shumë se një javë që kur janë emëruar, drejtorët e rinj vazhdojnë të qëndrojnë në shtëpi.
Zëdhënësi Berisha premton se nga java e ardhshme, do të fillojnë punën drejtorët e rinj. ”Nga java e ardhshme do t’ia fillojnë punën,sepse aktualisht janë duke u bërë edhe disa analiza të punës nëpër secilën drejtori”, tha Berisha.
