Arta Bajrami ka reaguar ndaj kritikave që kolegët e saj i kanë bërë për dukjen e Bleona Qeretit në AMA. Ajo ka thënë se askush nuk mund ta gjykojë Bleonën për vendimet që ajo i merr, pasi që kjo gjë është vetëm e drejtë e saj dhe askush nuk mund t’ia mohojë
Është kritikuar nga fansat për paraqitjen e saj në tanga në tepihun e kuq të American Music Awards në Los Angeles. Por, jo vetëm simpatizuesit e Bleonës i adresuan komente negative asaj. Ishin edhe koleget e bukuroshes të cilat e ofenduan atë për dukjen e saj siç e quan atë ‘skandaloze’.
Mirëpo Bleona nuk është krejt pa përkrahje. Është Arta Bajrami ajo e cila po e përkrah Qeretin. Nëpërmjet një postimi në rrjetin social ‘facebook’, Bajrami ka thënë se Bleona nuk ka bërë asgjë të keqe dhe se është mirë që ajo po e bën të pamundurën që të arrijë atë që do.
“Hipokrizia dhe xhelozia patologjike e kolegëve të mi më tremb, ajo kalon çdo kufi të etikës njerëzore. Bleona i ka vendosur vetes një qëllim: do të depërtojë në tregun amerikan dhe nuk do të kursejë asgjë deri sa të arrijë atë qëllim. Është e drejta e saj të bëjë këtë dhe po ashtu është e drejtë e saj të vendosë se cilën rrugë ta zgjedhë për të arritur sa më shpejt në cak. Kush jemi ne ta gjykojmë atë për këtë gjë?”, kishte thënë ndër tjera Bajrami.
