Instituti Kombëtar i Shëndetësisë Publike të Kosovës (IKSHPK) u ka bërë thirrje qytetarëve që të kujdesen për shëndetin e tyre gjatë temperaturave të larta.

Përmes një njoftimi, IKSHPK rekomandon që qytetarët të pinë ujë shpesh për të shmangur dehidratimin, të konsumojnë ushqime të lehta dhe të freskëta, si dhe të shmangin pijet alkoolike dhe ato me përmbajtje të lartë sheqeri.

Po ashtu, instituti këshillon që të vishen rroba të lehta dhe trupi të freskohet rregullisht me ujë për të përballuar vapën.

Gjatë temperaturave të ngritura është me rëndësi që të kujdeseni për veten tuaj.

💧 Pini ujë shpesh
🥗 Hani ushqime të lehta e të freskëta
🚫 Shmangni pijet alkoolike dhe me sheqer
👕 Vishuni me rroba të lehta
🚿 Freskoni trupin me ujë