Ndotja e ajrit vret rreth shtatë milionë njerëz në vit, bën të ditur Organizata Botërore e Shëndetësisë.
Në raporton e publikuar sot, agjencia e OKB-së thotë se ndotja e ajrit është shkak i një në tetë vdekje dhe se është bërë rreziku më i madh mjedisor për shëndetin.
OBSH thotë se në vitin 2012 ka pasur rreth 4.3 milionë vdekje si pasojë e ndotjes së ajrit të brendshëm dhe 3.7 milionë të tjera nga ndotja e ajrit në natyrë.
Shumica e këtyre rasteve thuhet se kanë ndodhur në vendet në zhvillim. /Telegrafi/
