Home LAJME Rexhep Selimi: Ja e vërteta për takimin me Bujar Bukoshin

Rexhep Selimi: Ja e vërteta për takimin me Bujar Bukoshin

Deputeti nga radhët e Lëvizjes Vetëvendosje dhe njëri nga themeluesit e Ushtrisë Çlirimtare të Kosovës, Rexhep Selimi ka rrëfyer për Indeksonline se çfarë ka ndodhur në takimin e qershorit të vitit 1998.

Selimi ke rrëfyer se si Qeveria e Kosovës në ekzil me kryeministër Bujar Bukoshin, nuk e morri mbështetjen e kërkuar nga Shtabi i Përgjithshëm i UÇK-së, mbështetje të cilën e gjeti te Kryeministri i atëhershëm i Shqipërisë, Fatos Nano.
Për më tepër, ju sjelli rrëfimin e Rexhep Selimit:

Në qershore të vitit 1998 Shtabi i Përgjithshëm u UÇK-së ka mbajt një takim, ku ndër tjera ka vendos që dy anëtarë të Shtabit të Përgjithshëm të udhëtojnë nga Kosova për në Tiranë, për t’i takuar dy kryeministrat, atë të Kosovës në ekzil, Bujar Bukoshin dhe kryeministrin e Shqipërisë, Fatos Nanon.

Në takim me Bujar Bukoshin, kemi qenë dy anëtarë të Shtabit të Përgjithshëm UÇK-së, unë dhe Hashim Thaçi, ndërsa Bujar Bukoshi ishte i shoqëruar nga Ministri i Mbrojtjes i Qeverisë së Kosovës në ekzil, Ahmet Krasniqi.
Natyra nuk ka qenë specifike për FARK-un, por ka qenë kërkesa e Shtabit të Përgjithshëm të UÇK-së drejtuar Qeverisë së Kosovës në ekzil për mbështetjen logjistike për Ushtrinë Çlirimtare të Kosovës. Pra vendimi i Shtabit të Përgjithshëm ka qenë që të kontaktohet me Qeverinë e Kosovës në ekzil, për t’i kërkuar mbështetje logjistike Shtabit të Përgjithshëm. Qeveria nuk na ka dhënë mbështetje, megjithëse Bujar Bukoshi ka qenë i gatshëm të ofroj të holla financiare, por që nuk i kemi pranuar.

Si pasoj, ka pasur tema bashkëpunimi, FARK-UÇK, por ne nuk kemi qenë për këtë punë , që të bisedojmë për lidhjen e këtij bashkëpunimi, për shkak edhe rrjedhimisht ne nuk e kemi njohur FARK-un. Nuk kishim dhe si të bashkëpunojmë, së paku po flas unë dhe anëtari tjetër, Hashim Thaçi, nuk kemi pasur mandat ose porosinë qe ta njohim Shtab tjetër, veç UÇK-së, pavarësisht se bisedat nuk kanë qenë të limituar vetëm në atë.
Ne në takim me zotëri Bukoshin, kemi kërkuar mbështetje nga Qeveria e Kosovës në ekzil për Ushtrinë Çlirimtare të Kosovës, mbështetje kjo që nuk na është dhënë.
Kam dëgjuar duke thënë shpeshherë se ne kemi kërkuar pare, mjete materiale. Nuk është e vërtet, përkundrazi ai ka ofruar dhe ne nuk kemi ofruar. Ai se ka ofruar në mënyra institucionale dhe ne normalisht nuk e kemi pranuar. Kështu që, ka ngelur këtu që ai nuk ka pranuar që Shtabin e Përgjithshëm të UÇK-së ta ndihmoj me ndihma logjistike, që i bien shfrytëzimin e fondit tre përqindësh për mbështetje logjistike, e jo bartjen e mjeteve material.
Kështu që, në ditën pasuese, kemi pasur takim me Fatos Nanon për këtë çështje. Fatos Nanos i kemi kërkuar mbështetje logjistike po ashtu të shtetit shqiptar dhe të Ushtrisë shqiptare për UÇK-në, gjë të cilën e ka ofruar pa rezervë, dhe prej atij momenti, Ushtria Çlirimtare e Kosovës, ka pasur në dispozicion gjithë infrastrukturën e Ushtrisë shqiptare në shërbim të luftës së UÇK-së pa përjashtim, përfshirë edhe logjistikën. Prej atij momenti, Ushtria shqiptare ka qenë e përfshirë në suport të 100% për UÇK-në .Varësisht se sa kemi mundur që ne të absorbojmë, por nuk ka qenë e pa limituar .

Madje, vet Kryeministri i Republikës së Shqipërisë ka deklaruar para nesh se ai është Kryeministër i një kombi që është në luftë. Kështu që de fakto, Shqipëria ka qenë e përfshirë në luftën e UÇK-së, por normalisht jo zyrtarisht për shkak të reagimeve të tjera ndërkombëtare që ka mundur të krijoj.

Previous articleProkuroria serbe: Salustro nuk punon për ne
Next articleSerbia organizon dhe financon islamizmin ekstremist në Kosovë