Të vjedhësh bankën me taksi!

Një hajn ka thirrur një taksi për ta pritur jashtë një banke në Edinburgh të Skocisë, teksa kishte hyrë për ta grabitur atë.

Ai ka rrëmbyer mijëra funte, i ka futur në një çantë dhe ka hyrë në taksi, raporton The Mirror.

Policia ka bërë të ditur se hajni nuk ka përdorur armë gjatë grabitjes, ndërsa taksisti nuk e ka pasur idenë se çfarë po ndodh.

Hetuesit shpresojnë që nga xhirimet e kamerave të sigurisë të gjejnë se si duket grabitësi.

Ndërkohë, ata i kanë kërkuar edhe taksistit që t’i kontaktojë.