Rock grupi shumë i dashur kosovar, Troja, kanë lajmëruar se e kanë gati albumin më të ri, e se kanë mbetur vetëm detajet e fundit.
‘Incizimet janë gati në përfundim, kështu që albumit edhe pakëz kohë i ka mbetë deri në përfundim’ kanë shkruar Troja në faqen e tyre zyrtare në Facebook, duke mos caktuar ndonjë datë dhe duke lënë fansat në pritje.
Troja poashtu do të sjellin edhe videoklip, të cilin nuk e dinë se kur do ta lansojnë, por ata kanë siguruar se do të dalë menjëherë pas albumit.
Përpos të gjitha këtyre risive, ata kanë lajmëruar se edhe detajet për koncerte nëpër qytetet shqiptare do të publikohen shumë shpejt.
