Presidenti i ShBA-së, Donald Trump, ka deklaruar se “sot” do të nënshkruhej marrëveshje me Iranin në Islamabad të Pakistanit.

Trump për gazetaren e Fox News Maria Bartiromo tha se, nëse nuk arrihet një marrëveshje, ai do të “shkatërrojë çdo central energjie dhe urë në Iran”.

Nuk është e qartë menjëherë se cilës periudhë kohore i referohej ai, pasi nuk dihet kur është zhvilluar biseda me Bartiromo.

Irani nuk e ka konfirmuar këtë pretendim dhe as nuk ka njoftuar ndonjë vendim për të dërguar një delegacion në Islamabad. Megjithatë, burime pakistaneze thanë për New York Post se Teherani është i “gatshëm për një raund të dytë”, por se “nuk është marrë ende asnjë vendim” për këtë.