Objekti i ri i Shkollës së Mesme Ekonomike “Isa Boletini” është afër përfundimit. Kryetari i Komunës, Shpejtim Bulliqi, i shoqëruar nga drejtori për Arsim, Avni Fetahu, sot ka parë nga afër punimet që janë duke u realizuar në këtë projekt.

“Punimet në Shkollën Ekonomike ‘Isa Boletini’ po vazhdojnë me ritëm të mirë.
Nga afër pashë progresin e punimeve dhe shumë shpejt Podujeva do të ketë edhe një shkollë tjetër moderne, me kabinete profesionale, laboratorë dhe palestër sportive”, tha kryetari Bulliqi.

Ndërtimi i këtij objekti shkollor financohet nga buxheti komunal dhe ka një kosto rreth 2.5 milionë euro.

04.09.2026, Podujevë
Zyra për Marrëdhënie me Publikun dhe Informim