Aplikacioni mobil për komunikim falas, WhatsApp, është duke u bërë gjithnjë e më i famshëm, të paktën nëse merren parasysh të dhënat e fundit të lëshuara nga vetë kompania e cila e ka krijuar aplikacionin.
WhatsApp ka thwnw se aplikacioni i saj ka arritur në 400 milionë përdorues aktiv, ndërsa drejtori i kompanisë i ka kritikuar shërbimet rivale të cilat i publikojnë numrat e përdoruesve, pa i dhënë numrat e përdoruesve aktiv të shërbimit.
“Ne duam ta ngrisim debatin rreth përdoruesve aktiv të secilit shërbim, e jo përdoruesve të regjistruar,” tha drejtori i WhatsApp, Jan Koum. “Ne jemi pak të mërzitur dhe të frustruar për njerëzit dhe kompanitë të cilat flasin për përdoruesit e regjistruar”.
Kompania gjithashtu ka thënë se përdoruesit e saj dërgojnë rreth 16 miliardë mesazhe për çdo ditë, ndërsa përdoruesit e saj pranojnë rreth 32 miliardë mesazhe në ditë.
