Një grua 36-vjeçare në Kinë ka sjellë në jetë një foshnjë para kohe, por që peshon saktësisht 6.25 kg. Mjekët e spitalit Changchun në Kinë u detyruan të kryenin një ndërhyrje kirurgjikale, kur konstatuan se pesha e bebes ishte me tepër se normalja.
Operacioni zgjati rreth dy orë dhe rezultoi i suksesshëm si për shëndetin e nënës ashtu edhe të foshnjës.
Sidoqoftë ky nuk është fëmija më i rëndë i lindur ndonjëherë në Kinë, pasi në shkurt të vitit 2014 në Shanwei erdhi në jetë një bebe që peshonte 7 kg.
